6. ጸሎት ዘዘወትር በግዕዝ- Tselot zezeWetir Daily Prayer with recording in Geez

እሰግድ ለአብ ወወልድ ወመንፈስ ቅዱስ - Eseged le’Ab weWeld weMenfes Qidus

0:00

እሰግድ ለአብ ወወልድ ወመንፈስ ቅዱስ

እሰግድ ለአብ ወወልድ ወመንፈስ ቅዱስ አሐተ ሰግደተ (3) እንዘ አሐዱ ሠለስቱ : ወእንዘ ሠለስቱ አሐዱ : ይሤለሱ በአካላት ወይትዋሐዱ በመለኮት ::

እሰግድ ለእግዝእትነ ማርያም ድንግል ወላዲተ አምላክ።

እሰግድ ለመስቀለ እግዚእነ ኢየሱስ ክርስቶስ ዘተቀደሰ በደሙ ክቡር። መስቀል ኃይልነ፡ መስቀል ጽንዕነ፡ መስቀል ቤዛነ መስቀል መድኃኒተ ነፍስነ አይሁድ ክሕዱ ንሕነሰ አመነ ወእለ አመነ በኃይለ መስቀሉ ድኅነ። 

Eseged le’Ab weWeld weMenfes Qidus

Eseged le’Ab weWeld weMenfes Qidus ahate segdet (3) Enze ahadu selestu we-inze selestu ahadu Yesielesu be’akalat,  weyiTewahdu bemelekot

Eseged leEgitene Mariam Dingil, Weladite Amlak 

Eseged leMesqel Egzi’ine  Eyesus Christos zeteQedese bedemu kibur Mesqel Hailine Mesqel Tsinene Mesqel Beyzane Mesqel Medhanite Nesfine Aihud kihidu, nehnese amene we’ile amene behaile Mesqelu dihine

5. ጸሎት ዘዘወትር በግዕዝ- Tselot zezeWetir Daily Prayer with recording in Geez

Qidus, Qidus, Qidus - ቅዱስ ቅዱስ ቅዱስ

0:00

ቅዱስ ቅዱስ ቅዱስ

ቅዱስ ቅዱስ ቅዱስ እግዚአብሔር ጸባዖት ፍጹም ምሉዕ ሰማያት ወምድረ ቅድሳተ ስብሐቲከ። ንሰግድ ለከ ክርስቶስ ምስለ ኣቡከ ኄር ሰማያዊ ወመንፈስከ ቅዱስ ማኅየዊ እስመ መጻእከ ወአድኃንከነ። 

Qidus, Qidus, Qidus

Qidus, Qidus, Qidus Egziabhare tseba’ot  fitsum mulu Semayat we-midre Qidesat sebhatike.  Niseged leke Christos misle Abuke hierr semayawi  wemenfesike Qidus maheyewi  isme metsa’ike weadhankene

4. ጸሎት ዘዘወትር በግዕዝ- Tselot zezeWetir Daily Prayer with recording in Geez

ጸሎተ ሃይማኖት - Tselot haimanot

0:00

ጸሎተ ሃይማኖት

ጸሎተ ሃይማኖት ነአምን በአሐዱ አምላክ እግዚአብሔር አብ : አኃዜ ኲሉ ገባሬ ሰማያት ወምድር ዘያስተርኢ ወዘኢያስተርኢ :: ወነአምን በአሐዱ እግዚእ ኢየሱስ ክርስቶስ : ወልደ አብ ዋሕድ ዘህልው ምስሌሁ እምቅድመ ይትፈጠር ዓለም :: ብርሃን ዘእምብርሃን አምላክ ዘእምአምላክ ዘበአማን ዘተወልደ ወአኮ ዘተገብረ ዘዕሩይ ምስለ አብ በመለኮቱ :: ዘቦቱ ኩሉ ኮነ ወዘእንበሌሁሰ አልቦ ዘኮነ ወኢምንትኒ ዘበሰማይኒ ወዘበምድርኒ። ዘበእንቲአነ ለሰብእ ወበእንተ መድኃኒትነ ወረደ እምሰማያት ተሰብአ ወተሰገወ እምመንፈስ ቅዱስ ወእም ማርያም እምቅድስት ድንግል ኮነ ብእሴ ወተሰቅለ በእንቲአነ በመዋዕለ ጲላጦስ ጰንጤናዊ። ሐመ ወሞተ ወተቀበረ ወተንሥአ እምሙታን አመ ሣልስት ዕለት  በከመ ጽሑፍ ውስተ ቅዱሳት መጻህፍት ዓርገ በስብሓት ውስተ ሰማያት ወነበረ በየማነ አቡሁ ዳግመ ይመጽእ በስብሐት ይኮንን ሕያዋነ ወሙታነ ወአልቦ ማኅለቅት ለመንግሥቱ። ወነአምን በመንፈስ ቅዱስ እግዚእ ማኅየዊ  ዘሠረጸ እም አብ ንስግድ ሎቱ ወንሰብሖ ምስለ አብ ወወልድ ዘነበበ በነብያት:: ወነአምን በአሐቲ ቅድስት ቤተ ክርስቲያን እንተ ላእለ ኩሉ ጉባኤ ዘሓዋሪያት :: ወነአምን በአሐቲ ጥምቀት ለሥርየት ኃጢኣት ወንሴፎ ትንሣኤ ሙታን ወሕይወተ ዘይመጽእ ለዓለመ ዓለም።

Tselot haimanot

Tselot haimanot ne-amin be-ahadu Amlak  Igziabhare Ab  ahazye kulu gebarie Semayat we-midr  Zeyaster’ee weze-eeyaster’ee. Wene-amin be’ahadu Egzi Eyesus Christos   Weld Ab Wahid ze-hulu misleyehu imqidme’ yitfeTer alem.  Birhan ze’imberhan   Amlak ze’im  Amlak   zebeaman zetewelde we’ako zetegebre  ze-iruy misle Abbe - melekotu   zebotu kulu kone   weze-inbeliehuse albo zekone  we-imenteni zebe Semayeni weze-bemidreni   zebe’intiane leseb webeinte Medhanitine   werede imsemayat tesebA  wetesegewe imMenfes Qidus we’im Mariam imQidist Dingil  kone bi’ise wete’seqle be’inteane bemewa-ile Peelatos Pentenawi.  Hame we mote we teqebre  we-tensiA imutan ame salist ilet  bekeme tsihuf wuste Qidusat metsahift  arge be-sibhat wuste Semayat wenebere be-yemane Abuhu dagime yimetsi bisibhat yikonen hiyawane wemutane  we-albo mahileqt le-Mengistu.  wene amin be-Menfes Qidus Egzi Mahiyawi zeseretse im-Ab  nisegd wene-sebiho misle Ab weWeld zenebebe Benebiyat wene Amin be-ahati Qidist BeteChristian inte la-ile kulu guba’e zeHawariat wene amin be-ahati Timqet lesiryeTe haTiyat Weni-sefo tinsa’e imutan wehiwete zeyimetsi le-aleme aleme.