አአትብ ገጽየ - A’atib getsye
አአትብ ገጽየ ወኲለንታየ በትእምርተ መስቀል።
A’atib getsye wekuluentinaye be-ti’imrte Mesqel.
በስመ አብ - BeSimAb
በስመ አብ ወወልድ ወመንፈስ ቅዱስ አሐዱ አምላክ::
BeSimAb weWeld weMenfes Qidus Ahadu Amlak.
በቅድስት ሥላሴ - BeQidist Silassie -በቅድስት
በቅድስት ሥላሴ : እንዘ አአምን ወእትመኃጸን : እክህደከ ሰይጣን : በቅድመ ዛቲ እምየ ቅድስት ቤተክርስቲያን : እንተ ይእቲ ስምእየ ማርያም ጽዮን : ለዓለመ ዓለም።
BeQidist Silassie inze a’amin we’it mehatsen ikehedike saytan beqidme zati Emye Qidist beteChristian inte-yiite Simye Mariam Tsion le-alem alem
ነአኲተከ እግዚኦ - Niakuteke Egzio
ነአኲተከ እግዚኦ ወንሴብሓከ : ንባርከከ እግዚኦ ወንትአመነከ : ንገኒ ለከ እግዚኦ: ወንትቀነይ ለስምከ ቅዱስ። ንሰግድ ለከ : ኦ ዘለከ : ይሰግድ ኲሉ ብርክ : ወለከ ይትቀነይ ኲሉ ልሳን። አንተ ውእቱ አምላክ አማልክት : ወእግዚአ አጋእዝት : ወንጉሰ ነገስት: አምላክ አንተ ለኲሉ ዘሥጋ: ወለኲላ ዘነፍስ : ወንጼውአከ በከመ መሃረነ ቅዱስ ወልድከ : እንዘ ይብል አንትሙሰ ሶበ ትጸልዩ ከመዝ በሉ።
Niakuteke Egzio wene-siebihake Nibarekeke Egzio wenit-ameneke nigenileke Egzio wenitqeney leSimike Qidus Nisegid-leke O zeleke ysegid kulu birk weleke yitqeney kulu lisan Ante wi’itu Amlak Amalikt weEgzia Egaist weNigus negest Amlak ante le’kulu ze-siga ele-kulu ze’nefs Wene-tsewi’ake bekeme meharene Qidus weldike inze yibil “Antemuse sobe ti’tseliyu kemezi belu…”
እሰግድ ለአብ ወወልድ ወመንፈስ ቅዱስ
እሰግድ ለአብ ወወልድ ወመንፈስ ቅዱስ አሐተ ሰግደተ (3) እንዘ አሐዱ ሠለስቱ : ወእንዘ ሠለስቱ አሐዱ : ይሤለሱ በአካላት ወይትዋሐዱ በመለኮት :: እሰግድ ለእግዝእትነ ማርያም ድንግል ወላዲተ አምላክ። እሰግድ ለመስቀለ እግዚእነ ኢየሱስ ክርስቶስ ዘተቀደሰ በደሙ ክቡር። መስቀል ኃይልነ፡ መስቀል ጽንዕነ፡ መስቀል ቤዛነ መስቀል መድኃኒተ ነፍስነ አይሁድ ክሕዱ ንሕነሰ አመነ ወእለ አመነ በኃይለ መስቀሉ ድኅነ።
ስብሐት ለአብ ስብሐት ለወልድ ስብሐት ለመንፈስ ቅዱስ
ስብሐት ለአብ ስብሐት ለወልድ ስብሐት ለመንፈስ ቅዱስ (3) ስብሐት ለእግዘትነ ማርያም ድንግል ወላዲተ አምላክ፡ ስብሐት ለመስቀለ እግዚእነ ኢየሱስ ክርስቶስ: ክርስቶስ በምሕረቱ ይዘከረነ። አመ ዳግም ምጽአቱ ኢያስተኅፍረነ። ለሰብሖተ ስሙ ያንቅሀነ:: ወበአምልኮቱ ያጽንአነ: እግዝእትነ ማርያም አእርጊ ጸሎተነ : ወአስተሥርዪ ኃጢአተነ : ቅድመ መንበሩ ለእግዚእነ : ለዘአብልዐነ ዘንተ ኅብስተ : ወለዘአስተየነ ዘንተ ጽዋዓ : ወለዘሠርዐ ለነ ሲሳየነ ወአራዘነ : ወለዘተዐገሠ ለነ ኵሎ ኃጢአተነ: ወለዘወሀበነ ሥጋሁ ቅዱሰ ወደሞ ክቡረ : ወለዘአብጽሐነ እስከ ዛቲ ሰዓት። ነሀብ ሎቱ ስብሐተ ወአኰቴተ ለእግዚአብሔር ልዑል : ወለወላዲቱ ድንግል : ወለመስቀሉ ክቡር: ይትአኰት ወይሰባሕ ስሙ ለእግዚአብሔር : ወትረ በኵሉ ጊዜ ወበኵሉ ሰዓት::
ሰላም ለኪ
ሰላም ለኪ እንዘ ንሰግድ ንብለኪ:: ማርያም እምነ ናስተዘቊዐኪ:: እምአርዌ ነዓዊ ተማህፀነ ብኪ:: በእንተሐና እምኪ ወኢያቄም አቡኪ :: ማኅበረነ ዮም ድንግል ባርኪ።
ጸሎተ እግዝእትነ ማርያም
ጸሎተ እግዝእትነ ማርያም ድንግል ወላዲተ ኣምላክ። ታዐብዮ ነፍስየ ለእግዚኣብሔር። ወትትኃሠይ መንፈስየ በኣምላኪየ ወመድኃንየ፤ እስመ ርእየ ሕማማ ለኣመቱ። ናሁ እምይእዜሰ ያስተበፅዑኒ ኩሉ ትዉልድ። እስመ ገብረ ሊተ ኃይለ ዐቢያተ ወቅዱስ ስሙ። ወሣህሉኒ ለትውልደ ትዉልድ ለእለ ይፈርህዎ። ወገብረ ኃይለ በመዝራዕቱ፡ ወዘረዎሙ ለእለ ያዐብዩ ሕሊና ልቦሙ፡ ወነሠቶሙ ለኃያላን እመ ናብርቲሆሙ። ኣዕበዮሙ ለትሑታን፡ ወኣጽገቦሙ እምበረከቱ ለርኁባን፡ ወፈነዎሙ ዕራቆሙ ለብዑላን : ወተወክፎ ለእስራኤል ቍልዔሁ፡ ወተዘከረ ሣህሎ ዘይቤሎሙ ለኣበዊነ ለኣብርሃም ወለዘርኡ እስከ ለዓለም።